جمهورباشقانی‌نین اقتصادی مسئله‌‌لر اوزره موشاویرلریندن بیری اولان حسین عبده تبریزی‌نین تهرانین بانک و سیغورتا و بورس سرگیسینه باش چکمه‌سی زامانی سرگیده ایشتیراک ائدن بیر سیرا سهم دارلار اونون بورس تشکیلاتی‌نین رئیسی مجید عشقی‌نین ساخلانماسینا وئردیگی دسته‌یه سرت رئاکسییا گؤستریبلر.
تجارت نیوزون وئردیگی بیلگیلره گؤره، عشقی بورس تشکیلاتی‌نین باشقانلیغیندان ایستعفا وئرمک ایسته‌مسه ده، عبده تبریزی ده اونون ساخلانماسینی دستکله‌ییب و بو، سهم دارلاری غضبلندیریب.
عشقی‌نین بورس تشکیلاتینا باشقانلیغی دؤورونده بورس بازاری چوخ‌سایلی و آغیر ائنیشلرله اوزلشمیش و اینسانلارین سرمایه‌لری‌نین آزالماسینا سبب اولموشدور کی، بو دا اوزمانلارین فیکرینجه، چوخ واخت عشقی‌نین صحو ایداره‌چیلیگی و اونون سهم دارلارا ماليه دستیی اوچون واختیندا تدبیرلر گؤرمه‌مه‌سی ایله باغلیدیر.
چارشنبه، ۱۰ و شنبه، ۱۳ مرداددا ایکی گون ایچینده بورس بازاری ایندئکسی‌نین ۱۱۴ مین واحید دوشمه‌سینه و رئال پولون آغیر آخینینا شاهید اولدو. بو یوللا بو ایکی گون ایچینده ایران بورسوندان ۲ مین ۸۶۳ میلیارد تومن چیخاریلیب.
لاکین ایکی گونلوک گئجیکمه ایله بورس بازار گونوندن اعتباراً دالغالانما آرالیغینی بوزده ۱ ایله محدودلاشدیریب. بورس تشکیلاتی‌نین ایرانلا اسرائیل آراسیندا گرگینلیگین آرتاجاغیندان ناراحات اولدوغو اوچون دوشه‌جیی گؤزله‌نیلن سرمایه بازارینا بو جور یاناشماسی بو قوروما و بورس باشقانی مجید عشقی‌نین شخصیتینه قارشی چوخلو تنقیدلره سبب اولوب. بورس تشکیلاتی. اؤزللیکله‌ده ده اونون باشقانلیغی دؤورونده سرمایه بازاری جدی شکیلده یوخاری دوغرو ديیشمه‌ییب و داواملی بیر خط اوزره حرکت ائتدیب.
