آدپ:کئچمیش گونلرده ۱۳۰ وکیل و حوقوقچو، عدلیه باشقانینا یازدیقلاری آچیق مکتوبدا اوین حبس‌خاناسیندا ساخلانیلان تورک وکیل محمدرضا فقیهی‌نین آزاد اولونماسی‌نی ایسته‌دی.
اونلار قئید ائدیبلر کی، عالی محکمه ایکی دفعه حؤکمون ایجراسی‌نین دایاندیریلماسی باره‌ده قرار وئرسه‌ده، محکمه‌لر بو قراری ایجرا ائتمه‌ییب.
فقیهی، ۱۴۰۱جی ایلین مهر آییندا وکیللر بیرلیگی‌نین بیناسی قارشیسیندا کئچیریلن دینج آکسییادا ایشتیراک ائتمه‌یه گؤره، اسلام جزا قانونونون ۶۱۰جو ماده‌سینه اساساً ۵ ایل حبس جزاسینا محکوم اولوب.
وکیللر وورغولاییبلار کی، بو ماده‌نین گئنیش تفسیری و هر اعتراضین “اؤلکه گوونلیگینه قارشی حرکت” کیمی دئرلندیریلمه‌سی آنایاسانین ۲۷ و ۳۷جی ماده‌لری‌نین روحونا ضدیر.
اونلار عدلیه باشقانیندان، فقیهی‌نین آزاد اولونماسی اوچون حوقوقی ایمکانلاردان ایستیفاده ائتمه‌سینی ایسته‌دی.
#محمدرضا_فقیهی #آذربایجان_خبرلری #وکیل #حقوق
