آذربایجانلیلارین مئدییا گؤرولری
محمد شکری آستامال
عزیز آذربایجانلیلار،
ایران مئدیاسیندا آذربایجانلیلارین ماراقلارینا توخونان چوخ خبر وار. ان اؤنملی‌سی، ایران قانونلارینا باخمایاراق، بیزیم آیدین و آشکار تبعیض‌لره معروض قالماقمیز!
بیر مثال وئرک: دولت و بیت‌المالدان دیگر منطقه‌لرین سویو اصفهان و یزده داشینیر، اورانین اکینچیلیگی رونق تاپیر. آمما، سولولو، معتدل و داغلی آذربایجاندا سو قیتلیغیندان زیست‌محیطی بحرانلار یاشانیر!
بوندان باشقا، آذربایجاندان چیخاریلان معادنلردن سونرا، محیط زیست ضررلرینه باخمایاراق، آذربایجانلیلار هئچ بیر نفع گؤتورمورلر. مدنی و فرهنگی حاقلاریمیزلا باغلی دا دؤولتین هئچ بیر آددیمی یوخدور.
بو وضعیت گؤستریر کی، بیزیم یئنی بیر یاناشمایا احتیاجیمیز وار!
چون کی، ایندیکی وضعیتده، آذربایجانلیلار یالنیز قیسا و غضبلی کامنتلر یایماقدان باشقا ایش گؤرمورلر. آمما، گؤرولریمیز چوخ داها اؤنملی و گئنیش اولا بیلر!
بیز نئجه گؤرولی اولمالییق؟
بیلمه‌لی‌ییک کی، بو آددیم‌لاری ایران ایسلام جمهوریتی‌نین قانونلاری چرچیوه‌سینده آتا بیلریک. قانونلارین بیزه وئردیگی ایمکانلاردان ایستیفاده ائده‌رک، حاقلاریمیزی طلب ائتمک و میللتیمیزین سسینی یئتیرمک مئدیا فعاللیغیمیزین اساسینی تشکیل ائتملی‌دیر:
* خبرارزشی اولان خبرلر یازین و یایین: ساده‌جه وضعیتین عکسینی چکمک یئترینجه دئییل. قایناقلار و تحلیللر ایله دولو، میللتیمیزی گئنیش شکیلده معلوماتلاندیران یازیلار لازیمدیر. گرچکلری، دلیللرله و اؤز دیلیمیزده ایضاح ائدک.
* خبرلره تفسیر یازین و آیدینلادین: باشقا مئدییا قایناقلاریندان گلن خبرلری پایلاشماقدان علاوه، اونلاری آذربایجانلیلارین باخیش آچیسیندان تحلیل ائدک. میللتیمیزین اطرافدا باش وئرن حادیثه‌لرین گرچک آنلامینی درک ائتمه‌سینه کؤمک ائدک.
* دیلیمیزی مئدییا دیلینه چئویرک: آنا دیلیمیزده، اؤز سسیمیزله و اؤز مئدییا فورماتلاریمیزلا خبرلر یاییب، تحلیللر وئرک. ایران قانونلاریندا دیلیمیزدن مئدییالاردا قوللانماق حاقلاری وار و بیز بو حاقلاردان تام ایستیفاده ائتمهلیییک.
آذربایجانلی مسئوللارین رولو
بو گؤرولرین یانیندا، آذربایجانلی مسئوللارین گؤردوکلری ایشلر آراشدیرمالی و آیدینلاشدیریلمالی‌دیر. اونلاردان میللتین ایستکلرینی و قانونی گؤرولرینی آچیق شکیلده طلب ائتمهلیییک. مسئوللارین میللتیمیزین ضررینه و یا خئیرینه اولان فعل و ترک فعل‌لرینی (عمل و عملدن چکینمک) عمومیته آچیقلاماق بیزیم بورجوموزدور. بو، مسئولیت داشییان شخصلرین قانونی سرحدلرده چالیشماسینی و میللتین حاقلارینی گؤز اؤنونده ساخلاماسینی طلب ائتمک اوچون حیاتی اؤنم داشییر.
بو آددیم‌لار، میللتیمیزین حاقلارینی داها گوجلو بیر شکیلده مودافیعه ائتمک و اونلارین سسینی داها گئنیش کۆتله‌لره چاتدیرماق اوچون اساسلی‌دیر. یالنیز اعتراض ائتمکله کیفایتلنمه‌ییب، فعال شکیلده معلومات یاراتماق و یایماقلا بیر آذربایجان مئدییا شبکه‌سی قورا بیله‌ریک.
بو یولدا هامی‌میزا اوغورلار آرزولاییرام. بیرلیکده، داها گوجلو و داها حق‌سئور و حق‌ایسته‌یَن بیر آذربایجان یاراتماق اوچون چالیشا بیلریک!
#آذربایجان #مئدیا #حقوق #تبعیض #فرهنگ #آنا_دیلی #فعالیت #ایران #عدالت
