عدالت آدینا،
انسان کرامتی آدینا
بو گون اورکلریمیز آذربایجاندان ایرانین بوتون نوقتالارینا قدر حرب قورخوسونون کولگهسینده ساعتلرینی کئچیرن خالقلا دیر. سیزین آغرینئز، بیزیم آغریمیزدیر؛ و تا اؤلکهمیزین ائولرینه، کوچه لرینه و شهرلرینه ساکین لیک و امین امانلیق قاییتماسا، هیچ بیر دینجیگی تصور اولونا بیلمز.
حرب، بشریتین اؤزونو و جامعهسینی قورتارماق مطالبهسی اولابیلمز. اما ایراندا حاکم اولان استبدادی رژیم قدرتە گلدییی گوندن بری حرب نعرهسی آتماقدادیر. یادلاردان چیخماییب کی، همین رژیم عراق دولتی ایله سککیز ایللیک بیر حربی اؤلکهیه تحمیل ائتدی و سون ۴۷ ایل بویونجا منطقهده بحران و تروریزم آتشینی آلؤولاندیریب ساخلامیشدیر.
بیز ایران اسلامی جمهوریتینین استبدادی و تمامیتخواه رژیمینی اؤلکهدهکی بو گونکی بحراندولو وضعیتین مسئولو بیلیریک. بو گون ایران ویران لیق شرایطین آستانهسیندهدیر و باشلامیش اولان حربین گلهجگی هیچ کس اوچون آیدین دییل. بو حرب گلهجک نسیللرین گله جگینی تأثیر آلتینا آلا بیلر.
بیز خالقین یانیندایئق.
امنیتلری و اؤولادلرینین گلهجگی اوچون ناراهات اولان عایلهلرین یانیندا.
آیندهسی بلیرسیزلیک ایچنده قالان گنجلرین یانیندا.
حربین دهشتلی سسیندن ناراحات و نیگران اولان یاشلیلارین یانیندا.
آذربایجان دموکرات پارتیسی سی بو حساس گونلرده، اؤلکهدهکی وضعیت و خصوصاً حرب شرایطینی هر زماندان چوخ دقتله ایزلهییر و ضرورت سیاستلری اضطراری شرایطده آذربایجان خالقی و ایرانین دیگر خالقلاری ایله پایلاشاجاقدیر.
دوشونوروک کی هم رای لیک ، بیلگی ورمک و سیاسی پارتیلر و مدنی تشکیلاتلارین خالقلا همکارلیقی امنیت و دینج لیک سوییهسینی بیر قدر یوکسلتە بیلر.
آذربایجان دموکرات پارتیسی سی
۲۸ فورال ۲۰۲۶
۹ اسفند ۱۴۰۴
