بو ایل یئنه کئچن ایلدن داها فلاکتلی دورومدا فهله گونونو(مای. ۱) قارشیلاماغا حاضیرلانیریق. بیر حالدا کی اولکه‌میزده دیرلی فهلهلرین آلیش( آلماق) گوجلری‌نین آزالما پروسه‌سی دایانیلمایب کی هئچ، اوسته‌لیک شدتلنیبدیر. ایندی، ایش محیطی‌نین تهلوکه‌سیزلیک و ساغلاملیق دورومو و امکلی معاشلاری کئچن دورد اون ایلین اَن پیس دوروموندادیر. بونا رغما کی، بوتون کئچمیش ایللره اوءرتیم و اورتیمه دستک، آدی وئریلیبدیر، آنجاق اوءرتیمین اَن اساس تملی ، یانی اینسان گوجو گورولمزدن گلیبدیر. کئچمیشین یانلیش یونتملرین دوامیندا، فهلهلرین فعال‌لاری و سندیکالاری‌نین حاق ایستکلری، قبول‌لانمایان میلی تهلکه‌سیزلیک تهمتلرله، اَن شیدتلی شکلده تاپدالانیبدیر.
بیز صنفی فعال لارین شرط- شروطسوز اوزگورلوکلری و حاقلارینی اَلده ائتمکرینی ایسته‌یریک و بو ایستگین پئشینده‌ییک. امکلی‌لرین صاندیقلاری دولت و مالی سیستمین چپاولونا دونوشوبدور. بیز بو فاجعه‌لی یئنی ایشین دایانماسین و اصلاحین ایستهییریک. چونکی بو اودون توستوسو بیر باشا توپلومون فهله طبقه‌سی‌نین گوزونه دولور. آمار اساسیندا فهلهلرین دورومو آذربایجاندا باشقا بولگه‌لردن داها چوخ آغیردی. سوروملولار بیلیرک ادعا ائدیرلر آذربایجاندا تولید قونوسوندا فهله آزلیغی وار. لیکن هامی‌میزین بیلدینیز کیمی استخدام و ایشه آلماق شرایطی ائله آغیردی کی، ایشله‌ینه بو چتین شرایطده ایشلمک امکانی یوخدور. بو سببدن ایش یارادانلار ایشچیلی‌لری جذب ائتمکده چتینلیک چکیرلر.
طبیعی کی ایش یارادانلار ، فهله‌لر و بوتون جامعه بو شرایطده زیان گوءرورلر. بیز معاش و گون موزدو سیستمین و فهلهلرین اَن کیچیک ایش شرایطلرینی‌نین اصلاحینی ایستهییریک. بونلا یاناشی ایش یارادانلارین حاقلی اولاراق سورنلارینی آرادان قالدیرماغی ایستهییریک. بوءلگه فهلهلرین سورونلاری و چتینلیکلری یانیندا، بیز دنیادا اولان فهله فدراسیونلارینلاریلا بیرلیکده بیر جبهه‌ده فلسطینده فهلهلرین و چالیشانلارین اوءلدورمه‌سین محکوم ائدیب و چوخ تئز هئچ بیر شرط قویمادان او جنایتلری دایاندیرماق ایستهییریک.
بیز، آذربایجانین دموکرات پارتیاسی، مایین بیری دونیا فهله گونونو عزیزلییب و اوءز جیدی ایراده‌میزی توپلومون بو انسانلارینین حاقیندان حمایتیمیزی بیر داها خاطیرلادیریق و جامعه‌میزین یاخشی گلجگی اوچون چالیشیریق.
آذربایجانین دموکرات پارتیسی
۲۸. آپریل.۲۰۲۴
