عزیز هموطنلر، آذربایجاندا و اولکه نین موختلف یئرلرینده یاشایان قهرمان تورک ملتی!
نوروز، طبیعتین یئنیدن دوغولوشونون و یئنی ایلین باشلانغیجینین رمزیدیر و بو بایرام، ایچیمیزده کی امید، مقاومت و نورون قارانلیقا قالیب گلدیگینین گوستریجه سیدیر. بیز ده بو یولدا، میلّی-دیل حقوقلارینین و وطن‌داشلیق برابریگینین تامین ائدیلمه‌سی اوغروندا مدنی و مدنیت مبارزه‌لریمیزین بایراقینی گالدیرمی‌شیک.
بیز، کئچن ایللر عرضینده، مسالمت‌آمیز و مدنی مبارزه‌لریمیزله، آذربایجان خالقینین دیل، مدنیت و اجتماعی حقوقلارینین تامین ائدیلمه‌سی اوغروندا موباریزه‌میزین سسلرینی دونیایا چاتدیرماق اوچون چالیشدیق. بو مبارزه‌لر، تکجه آذربایجاندا دیل، بلکه ایرانین بوتون ائتنیک و مدنیت قروپلاری اوچون برابریک و عدالت یولوندا بیر چیشید آچمیشدیر. آما بو گونکون شرایطده، اورتا دوغودا یایغین بحرانلار و ساواشلار، بو حق‌طلبانه مبارزه‌لرین اؤنونو کسمکده‌دیر.
عسگری چاتیشمالار، گوونسوزلیک و سیاسی ثبات سیزلیک، نه‌تنها میلیونلارلا اینسانین حیاتینی تاثیر آلتینا آلماقدادیر، بلکه مدنی دیالوغ و ترقّی فرصت‌لرینی ده محدودلاشدیرمیشدیر.
بایرامینین گلدیگی بو موبارک موقعتده، آذربایجان دموکرات پارتیسی، ایرانین بوتون خالقلارینا، خصوصاً آذربایجان هموطنلرینه و آزادلیق، برابریک و عدالت اوغروندا مبارزه ائدن هرکسه، نوروزون مبارک اولدوغونو بیلدیریر.
آذربایجان دموکرات پارتیسی، مدنیت و دیل چوخ‌لوگونون، ایران اوچون بی‌بنزر بیر ثروت اولدوغونا اینانیب و بو چوخ‌لوگون قورونماسینین، دموکراسی و عدالتین تحققو اوچون اساس بیر قدم اولدوغونو قبول ائدیر.
آذربایجان دموکرات پارتیاسی، هر نوع خشونت و ساواشی محکوم ائدیر و اینانیر کی، یالنیز دیالوگ، مسالمت‌آمیز بیرلیک و بوتون ائتنیک و دیانیتلرین حقوقونا احترام واسطه‌سیله، منطقه‌ده صلح و عدالته نایل اولماق اولار.
بو نوروز گونلرینده، بیز یئنیدن میلّی-دیل حقوقلارینین و وطن‌داشلیق برابریگینین تامین ائدیلمه‌سی اوغروندا مدنی و مدنیت مبارزه‌لریمیزه تعهدیمیزینی تکرار ائدیریک.
بیز، یئنی ایلین، ایرانین و منطقه‌نین بوتون خالقلاری اوچون صلح، عدالت و ترقّی ایله دولو اولماسینی آرزولاییریق. گلین، بیرلیکده، امید و مقاومتله، آچیق و آزاد بیر گله‌جک اوچون یول آچاق!
آذربایجان دموکرات پارتیسی
19.03.2025
