آنادیل، یالنیز بیر ارتباط وسیطه‌سی دئییل؛ بلکه بیر میلّتین هویتی، تاریخینی و مدنیتینی اؤزونده ساخلاییر. بو دیل، آتالاردان بیزه چاتان بیر میراثدیر و بیر جمعیتین جمعی حافظه‌سینی تشکیل وئریر. دونیا آنادیل گونو، یونسکو طرفیندن ۱۹۹۹-جو ایلده مدنی و دیل چوخ‌لوغونو قورماق مقصدیله تعیین اولونموشدور و یوخ اولماق خطرسی ایله اوزلشن دیللرین قورونماسینین اهمیتینی خاطرلره چاغیریر. بو گون، خاصه‌له ۱۹۵۲-جی ایلده بنگلادشلی طلبه‌لرین بنگال دیلینین رسمی دیل اولاراق تانیلماسی اوغروندا جانلارینی فدا ائتمه‌لرینی یادا سالیر.
ایران، مدنی و دیل چوخ‌لوغو زنگین اولان بیر اؤلکه‌دیر و ۷۰-دن چوخ دیل و لهجه‌یه صاحیبدیر. کوردجه، بلوچی، تورکجه‌سی، گیلکی، مازاندارانی، لری و... باشقا دیللرین هر بیری، بو توپراغین تاریخی و مدنی هویتینین بیر حیصّه‌سینی تشکیل وئریر. لاکین، ایللردی، بیر‌سایی دیل و لهجه‌لر، دیل و مدنی بیر‌حاش‌لاشدیرما سیاستلری سببیله یوخ اولماق خطری ایله اوزلشیرلر. دیل قیریمی، یئرلی دیللرین تدریجاً تحصیل، مدیا و حتی گونده‌لیک حیاتدا یئرلرینی ایتیرمه‌سی و یئنی نسیللرین بو دیللری اؤیرنمه‌دن و ایستیفاده ائتمه‌دن محروم اولماسی پدیده‌سیدیر.
بو گدیدشا ت ، یالنیز دیل چوخ‌لوغونون ایتیرمه‌سینه دئییل، بلکه مدنی و تاریخی هویتین بیر حیصّه‌سینین ده یوخ اولماسینا سبب اولور. یئرلی دیللر، شفاهی ادبیات، آداب و رسوم و یئرلی بیلیگی داشییان دیللردیر و بو دیللرین یوخ اولماسی ایله، مختلف میللتلرین ایراندا مدنی میراثی نین بیر حیصّه‌سی ده اونودولور.
بو دونیا گونونده، آنادیللرین قورونماسینین اهمیتینه هر زامان‌دان داها چوخ دیققت ائتمه‌لی‌ییک. مکتبلرده آنادیلده تحصیل، بو دیللرده مدنی و هنری محتوا ایستحصالی‌نین دستک‌لنمه‌سی و مدنیتلر آراسی دیالوگ اوچون بیر فضا یارادیلماسی ، دیل سوی قیریمینین قارشیسینین آلینماسی اوچون ضروری آدیم‌لاردیر.
بو گونده آنادیلیمیزه فخیرله، اونو قورماق و یاییلماسی اوچون بیر آدیم آتاق و بو باهابیچیلمز میراثی گله‌جک نسیللره میراث قویاق.
آنادیل یالنیز هویتیمیز دئییل، بلکه کئچمیشی گله‌جگه باغلایان بیر کورپودور.
آنادیل، هویتیمیز، گله‌جی‌میزدیر.
آذربایجان دموکرات پارتیسی!
۱۸ فورال ۲۰۲۵
