تورک مدنی فعال و آذربایجانین "تراکتور" کومانداسی‌نین تانینمیش طرفدارلاریندان اولان سامان بیدار، ۱۱ اسفند ۱۴۰۳-ده اردبیل شهرینده اینقیلاب کئشیکچیلری اطلاعاتی طرفیندن حبس اولونوب.
عائله‌‌‌سی اونون ساخلانیلما سببی و هارادا اولدوغو باره‌ده بیلگی‌سیزدیرلر.
سامان بیدارین یاخینلاری اونون حبسی‌نین "تراکتور" طرفدارلاری‌نین ایستکلری‌نین بوغولماسی و گوونلیک قوروملاری‌نین کلوب اوزرینده‌کی ائتکیسینه قارشی تنقیدی مؤوقئیی ایله باغلی اولا بیله‌جه‌یینی احتیمال ائدیرلر.
او، داها اؤنجه ده بیر نئچه فعاللار بیرلیکده گوونلیک گوجلری طرفیندن ساخلانیلمیشدی.
بو تورک مدنی فعاللار ۲۴ تیر ۱۴۰۳ گونورتا ساعتلاریندا ساوالان داغینا گئدرکن شابیل ایستی سو بؤلگه‌سینده حبس اولونوبلار و بیر نئچه ساعتدان سونرا بوراخیلیبلار.
سون زامانلاردا تورک مدنی فعالارا قارشی حبس، تهدیدلر و چاغیریشلارین آرتماسی ایله یاناشی اوین حبس‌خاناسیندا اولان محبوسلارا ۱۰۰ ایله یاخین حبس جزاسی وئریلیب.
