دونیا قادینلار گونو، جنسیت برابر لیگی و اجتماعی عدالت اوغروندا مۆباریزه‌نین اهمیّتینی بیر داها وۇرغولاماق اوچون بیر فرصت‌دیر. آذربایجان دموکرات پارتیسی، ایران جامعه‌سینین بیر حیسه‌سی اولاراق و وطنداشلارین میللی - مدنی حقوقلارینین مدافعه چی سی اولاراق، بو گۆنو یوکسک دییرلندیریر و دۆنیا اۇزرینده، خوصوصیله تورک و ایران‌داکی دیگر میللتلرین قادینلارینین آراسیز مۆباریزه‌لرینی قدردارلاندیریر.
ایران‌دا قادینلار، خوصوصیله آذربایجان، کوردوستان، بلوچستان و الاهواز , لرستان,ایلام,گیلان,مازندران ,تورکمن صحرا،... کیمی غیر فارس منطقه‌لرده، یالنیز جنسیت تبعیضی ایله دئییل، هم ده میللی ، دیل - مدنی کیملیکلرینین نتیجه‌سینده اوْلان قاتماق تبعیضلرله اۇز-اۇزا قالیرلار. تورک قادینلار ، ایران جامعه‌سینین بیر حیسه‌سی اولاراق، تاریخ بویو مدنیت، دیل و کیملیکلرینی قورویوب ساخلاماقدا موهوم روللار اوینامیشلار، اما دایم سیستیملی چتینلیکلرایله اۇز-اۇزا قالیبلار.
آذربایجان دموکرات پارتی سی اینانیر کی، جنسیت برابرلیگی اوغروندا مۆباریزه، میللی - مدنی حقوقلار اوغروندا مۆباریزه‌دن آیری اولا بیلمز. اینترسکشنال فمینیزم بیزه یادا سالیر کی،غیر فارس قادینلارین قارشیسینا چیخان قاتماق تبعیضلر، جامع و قایناق بیر یانا‌شمایا احتیاجی وار. تورک قادینلار یالنیز جنسیتلرینین نتیجه‌سینده اوْلان قانونی و اجتماعی محدودیتلرله دئییل، ائلجه ده آنا دیلینین، مدنیتینین و میللی کیملیکلرینین باسقین‌چیلیغی ایله مۆباریزه ائدیرلر.
ایران‌دا تبعیض‌چی قانونلار و پاتریارکال سیستیملر، قادینلاری حساس وضیعتلره سالیر. اما غیر فارس قادینلار اوچون بو تبعیضلر فارس قادینلارین مباریزسیندن بعضی حالاردا چاتلار آچیر . آنا دیلینده تحصیل حاقیندان سیاسی و اجتماعی صحیفه‌لرده برابر ایشتیراک حاقینا قدر، غیر فارس قادینلار قاتماق مانع‌لرله قارشی‌لاشیرلار کی، اؤزل دیقّت و عملی تدبیرلر طلب ائدیر.
آذربایجان دموکرات پارتی سی بو دونیا قادینلار گونونده، ایران‌داکی بۆتون قادینلاری، خوصوصیله تورک قادینلار ین میللی - مدنی کیملیکلرینی قورویوب ساخلماقدا مقاومت و مۆباریزه لری اوچون قدردارلاندیریر.
بیز اینانیریک کی، یالنیز قادین حرکاتلاری، میللی - مدنی حرکاتلار و دیگر اجتماعی حرکاتلار آراسیندا بیرلیکله، عدالتلی و برابر بیر جامعه‌یه چاتماق اولار. بیز بۆتون جنسیت،میللی - مدنی تبعیض شکیللرینین سونو اولماسینی طلب ائدیریک. بیز بۆتون قادینلار اوچون،میللی - مدنی ، دیل و دینی کوکنلیک لرینه باخمایاراق، برابر حقوقلار طلب ائدیریک.
بیز بیر فضانین یارادیلماسینی طلب ائدیریک کی، هر بیر قادین آزادجا و عزتله یاشایا بیلسین و کیملیینی باسقین‌چیلیق‌دان قورخمادان بیان ائده بیلسین.
بو دونیا قادینلار گونونده، آذربایجان دموکرات پارتی سی بیر داها جنسیت برابری‌سی، عدالت اجتماعی و غیر فارس قادینلار حقوقلاری اوغروندا مۆباریزه‌یه اوْلان تعهدینی وۇرغولاییر.
بیز گله‌جەیه اوْمودواریق کی، بۆتون قادینلار، خوصوصیله غیر فارس قادینلاری، آزاد و برابر بیر جامعه‌ده یاشایا بیلسینلر.
یاشاسین قادینلارین آزادلیق و برابری اوغروندا مۆباریزه‌سی !
یاشاسین قادین حرکاتلاری و میللی - مدنی حرکاتلار آراسیندا بیرلیک !
یاشاسین اجتماعی عدالت !
آذربایجان دموکرات پارتی سی
۶ مارت ۲۰۲۵
